qarmaqshy-tany.kz 21 ақпан - Халықаралық Ана тілі күніне орай мемлекеттік тілді деңгейлеп оқу курсына қатысушы тыңдаушылармен "Тіл тағдыры - ел тағдыры" атты тақырыпта әдеби сайыс сабағын ұйымдастырдым. Іс-шара аудандық орталық кітапханада өтті. Халықаралық "Қазақ тілі қоғамы" аудандық филиалының төрайымы Гүлжауһар Раева мен аудандық кітапханалар жүйесінің директоры Гүлшара Қаниева, аудандық музейдің ғылыми қызметкері Гүлмира Өтегенова қонақ ретінде шақырылды.

Тыңдаушылар екі топқа бөлініп, білімдерімен бақ сынады. Әуелі топты таныстырып, өз өнерлерін көрсетті. Ана тілі туралы ойларын айтып, ақын өлеңдерін оқыды. Берілген сөздерді біріктіру арқылы өлең құрастырды. Мақалдың жалғасын тапты. Сайыста екі топ та тең дәрежеде нәтиже көрсетті. Белсенді қатысқан тыңдаушылар облыстық тілдерді оқыту орталығы директоры М.Дәулетбаеваның алғыс хатымен марапатталды.