qarmaqshy-tany.kz Аудан әкімі Еркінбек Жандостың қатысуымен кент, ауылдық округ әкімдері, орынбасарлары мен бас мамандарының қатысуымен Қазақстан Республикасының “Мемлекеттік сатып алу туралы” Заңының конкурс тәсілімен өтетін баптарына байланысты туындайтын мәселелер бойынша ашық пікір алмасу форматында оқу әдістемелік сабағы болып өтті.

Аудан әкімі Ж.Еркінбек күн тәртібіне қойылып отырған мәселенің маңыздылығы мен өзектілігін және алдағы уақытта осындай оқу әдістемелік сабақтарын жиі өткізудің тиімділігі жөнінде кеңінен түсіндіріп өтті.

Бұдан әрі қарай оқу әдістемелік сабақты Жосалы кентінің әкімі Сыдықов Шыңғыс Әбділәмитұлы жүргізіп отырды.

Күн тәртібіне қойылған Қазақстан Республикасының “Мемлекеттік сатып алу туралы” Заңының конкурс тәсілімен өтетін баптарын талқылау жөнінде Жосалы кенті әкімінің орынбасары Досмуратов Алмасхан Әріпханұлы хабарлама жасады.

Кент, ауылдық округ әкімдері тақырыпқа байланысты көкейлерінде жүрген сауалдарын қойып, бір-бірімен ашық пікір алмасып, көптеген мағлұматтар алды.

Бұл тәжірибе алдағы уақытта жалғасын тауып, басқа да тақырыптар бойынша кеңінен өткізілетін болады.