«Өсіп келе жатырмыз»

qarmaqshy-tany.kz Балалар поэзиясында алпысыншы жылдары келген ақындардың қай-қайсысыда алғашқы шығармашылық қадамдарын жемісті бастады. Солардың бірі Ермек Өтетілеуұлы. Балалар ақыны, ұрпақ ұстазы. Ақынның 85 жылдығына орай, «Өсіп келе жатырмыз» атты кітапханалық сағат өткізілді. Ахметжан Жанпейісов атындағы №105 мектеп-лицейінің 2 «а» сынып оқушылары мен сынып жетекшісі Орынбаева Меруерт қатысты. Оқырмандар ақынның өлеңдері мен тақпақтарын кезекпен-кезек жатқа айтты. Ақынның өмірі мен шығармашылығы туралы бейнеролик көрсетілді. Санамақтар, ертегілер, жұмбақ ойындар ойнатылып, кітап көрмесі таныстырылды.

Ақын поэзиясында өскелең ұрпақтың таным-білім аясын кеңейтуге қызмет қылатын туындылары мен бірге, ойнай отырып ойландыратын, бала бойында тапқырлық, адалдық, ізгілік, достық, өнер- білімге құштарлығын оятатын өлеңдері жетерлік.

Ұрпақтан ұрпаққа мирас болып келген өлеңдері мәңгі жүректе сақталмақ.