qarmaqshy-tany.kz 2022 жыл - Балалар жылына орай "Кітапханаға құштар сынып" жобасы аясында Қармақшы аудандық балалар кітапханасының ұйымдастыруымен, Шерхан Мұртазаның 90 жылдығына орай, «Интернаттың наны» әңгімесіне әдеби талдау өткізілді. Ахметжан Жанпейісов атындағы №105 мектеп-лицейінің 6 сынып оқушылары мен сынып жетекшісі Каналиева Жұлдызай апай қатысты. Әдеби талдауда Шерхан Мұртазаның өмірбаяны туралы бейнебаян көрсетілді. Оқырмандар жазушының «Интернаттың наны» әңгімесін кезекпен-кезек айтып, өз белсенділіктерін көрсете білді. Екі топқа бөлініп, бірі нан туралы өлең шығарса, екіншісі нан туралы мақал-мәтел айтып жарысты.

Оқырмандар өткізіліп отырған іс-шарадан қазақ халқының мақтан тұтар жазушысы туралы көптеген мағлұматтарды білді және сол арқылы өз білім деңгейлерін көтере алды.