"ECO-ALEM" үстел ойыны

qarmaqshy-tany.kz Омар Шораяқұлы атындағы №30 орта мектебінде “Алаш ұлағаты-ұландар үнінде” жылдық жоспарына сәйкес, "Жас ұлан" ұйымы және “Мектеп парламенті” мүшелерімен "ECO-ALEM” үстел ойыны өткізілді.

Ойынның мақсаты: оқушылар арасында экологиялық білімді, экологиялық мәдениетті арттыру. Әрбір адам өз өмір жолында көміртекті із қалдырады. Су мен энергияны шамадан тыс тұтыну, автомобильмен жүру, шетелдік тауарларды сатып алу, тіпті мессенджер арқылы хабарлама жіберу қоршаған ортаға зиян келтіреді. Сондықтан әрбір азаматтың міндеті – көміртекті іздің төмендеуіне ықпал ететін өмір салтын ұстану. Ойынның басында әрбір ойыншыға 50 тонна CO2 беріледі. Бұл ойынның мақсаты-көміртекті ізді азайту және ауданды қоқыстан тазарту. Ойын қатысушылардың бірінің көміртек ізі 0-ге төмендегенге дейін жалғасады. Оқушылардың ойынға қызығушылығы, белсенділігі өте жоғары деңгейде болды.