Брейн-ринг сайысы өтті

Жуырда Қуаңдария ауылында Брейн-ринг ойыны өтті. Мұндай шара жастардың көшбасшылық қабілетін арттыруға, логикалық жылдам ойлауға, өзін-өзі тану мен дамытуға ықпал етеді. Ойынға ауыл жастарынан құралған 4 команда қатысты. Сайысқа қатысқан әрбір ойыншы ойынның тақырыбы бойынша сенімді және нақты жауап беру арқылы білімін көрсете білді. Нәтижесінде жүлделі І орынды «Жалынды жастар» командасы жеңіп алса, ІІ орын «Аралас» командасына бұйырды. Ал ІІІ орынды «Болашақ жастары» және «Білімді жас ұрпақ» командалары иеленді. Орын алған командалар «Қорқыт елі – Қармақшы» жастар қоағамдық бірлестігнің дипломы мен марапатталды. – Брейн-ринг жоғары деңгейдегі білім мен білімділікті көрсететін ойын. Сондай-ақ, жастар арасында өзара байланысты жақсартуға үлесін қосады, – дейді «Қорқыт елі – Қармақшы» жастар қоғамдық бірлестігінің төрайымы А.Нұрмағанбетова.