Жаңа форматта ата-аналар жиналысы

qarmaqshy-tany.kz №185 орта мектебінде жаңа форматта ата аналар жиналысы болып өтті. Ата-аналар жиналысының мақсаты мектепішінде жүргізіліп жатқан түрлі жобаларды таныстыру және ата-аналарды осы жобаға балалармен бірге қатысуға шақыру. Жиналыс барысында ата- аналарға Р.Әбілғазықызы "Жасыл мектеп" жобасының жүргізілу барысы, алдағы атқарылатын жұмыстары жайында таныстырылды. Әрі қарай Мектеп кітапханшысы Ғ.Балшынова "Оқуға құштар мектеп" жобасының мақсаты, жүргізілу барысы айтылып, ата-аналармен жұмыс жасалды. Сонымен қарар ата аналар COWORKING орталығында болып, мектеп театры үйірмесі жанынан құрылған қуыршақтар театры мүшелерінің өнерін тамашалады. Ата-аналар балаларының білім сапасымен танысып, мектеп директорының оқу ісі жөніндегі орынбасары А.Ештаеваға сауалдар қойып, жауап алды. Қазіргі қоғамдағы өткір мәселеге айналған "балалардың телефонға телміру" мәселесі және әлеуметтік желіде кең тараған бала тәрбиесіне кері әсер беретін ойындар мен көріністерді мектеп директорының тәрбие ісі жөніндегі орынбасары А.Бекбаулиева мен мектеп психологы Ж Қайырқұлова айтып дабыл қақты. Ата-аналарға бейне сюжет көрсетіліп, талқыланды. Ата-аналардың көңіл күйін сергіту мақсатында әсем би мен "Машарап Әлиұлы атындағы" жыраулар үйірмесінің мүшелері әдемі жыр орындап берді. Жиналысты мектеп директоры Г.Ахметова қорытындылап, ата-аналарға мектеппен тығыз байланыс орнатуға шақырды.