"Отбасы мен мектептің бала тәрбиесіндегі орны”
qarmaqshy-tany.kz Байқоңыр қаласындағы №275 орта мектебінде 2022-2023 оқу жылының І жарты жылдығы қорытындысы бойынша “Отбасы мен мектептің бала тәрбиесіндегі орны” тақырыбында жаңа форматта ата-аналар жиналысы өткізілді.
Жиналыстың мақсаты: ата-аналардың мектеппен тұрақты қарым-қатынасын қалыптастыру, сынып жетекшілері мен пән мұғалімдері арасында тығыз байланыс орнату. Ата-аналарға жеке-жеке баласының білім сапасы мен тәртібі жөнінде толық мағлұмат беру.
Жиналыс барысында мектеп әкімшілігі ата-аналардың ұсыныс пен пікірлерін тыңдаса, педагог-психолог, әлеуметтік педагог, логопед, арнайы мамандарға сұрақтарын қойып, кеңестер алды. Сонымен қатар сынып жетекшілер мен пән мұғалімдері ІІ оқу тоқсанының қорытындысына талдау жасап, әр ата-ананы баласының білім сапасымен, тәртібімен таныстырды.
Ата-аналар жиналыстың жаңа форматта өткізілуі мектеп пен ата-ана арасындағы байланысты нығайтуға қосар үлесі зор екендігін айтып, ризашылықтарын білдірді.
