qarmaqshy-tany.kz Күзгі каникул жоспарына сәйкес "Баланың басты ұстазы ата-ана", "Бала тәрбиесіндегі ата-ананың рөлі" тақырыбында І оқу тоқсанының аяқталуына байланысты жаңа форматта ата-аналар жиналысы өткізілді.

Байқоңыр қаласы №275 орта мектебінде COWORKING орталығында ата-аналар жиналысы өткізілді.

Жиналыс барысында мектеп педагог-психологы Д.Есим ата-аналармен "Жүрек жылуы" тақырыбында тренинг өткізді.

Ата-аналар тренинг барысында "5 тілек" жаттығуы арқылы амандасып, өздерін таныстырып өтті, "Ішінде не бар?" жаттығуы арқылы өз балдарымен қалай сырласатынын, ішкі жан дүниесін қалай түсінетінін айтып өтті. Тренинг соңында тренингтен алған әсерлерімен бөлісті.

Сонымен қатар кітапхана меңгерушісі М.А.Маханбетова - "Отбасымызбен бирге окимыз - Читаем со всей семьей" - клубы мүшелерімен баланы кітап оқуға бейімдеу тасілдері бойынша ата-аналармен жұмыс жүргізді.

Мектеп тәлімгері Н.Құдайбергенова өз кезегінде "Оқуға құштар мектеп", " Отбасы-орта мектеп", "Дәстүр мен ғұрып", "Ерте жастан бастап экологиялық мәдениет" жобасы аясында ата-аналармен бірге жүргізілген жұмыстар бойынша презентация көрсетті.

Тренер А.Тулкибаева ата-аналармен сергіту сәтін жүргізіп, көңіл күйлерін көтерді. «Ашық айтсам...» жаттығуы барысынды ата-аналардың мектеп өмірінде болып жатқан жұмыстарға көзқарастары анықталды. Ата-аналар топтарға бөлініп «Менің арманымдағы мектеп» тақырыбында топтық тапсырма орындады. Әр топ спикерлері өз топтарының жұмысын таныстырды. Іс-шара соңында ата-аналардан кері байланыс алынды.