qarmaqshy-tany.kz Аудандық білім бөлімінің ұйымдастыруымен 27 қаңтар күні Ш.Уәлиханов атындағы №26 орта мектеп базасында оқушылар арасында Т.Жүргенов шығармаларын насихаттау, олардың шығармашылық қабілеттерін, эстетикалық талғамдарын, тұлғалық сезім мәдениетін қалыптастыру мақсатында "Темірбек Жүргенов — қазақ мәдениетінің алып нары" тақырыбында театрландырылған қойылым байқауы өткізілді.

Байқау нәтижесі бойынша

І орынды — №273 орта мектебі

ІІ орынды — №28, №279 орта мектептері

ІІІ орынды — №186 орта мектебі және №250, №277 мектеп лицейлері иеленсе, №26, №79, №183, №272 орта мектептері алғыс хатпен марапатталды.

Байқауға "Ұлт бірлігі" Қармақшы қоғамдық бірлестігінің төрағасы Құндақбаев Шегебай, Жосалы кенті ардагерлерінің төрағасы Ұзақбаев Ерболат және Шәмшат Төлепова аудандық мәдениет үйінің әдістемелік кабинет меңгерушісі Бекеева Ақерке қазылық етті.