qarmaqshy-tany.kz Кітап-адамзат баласының баға жетпес асыл құндылығы. Білім мен мәдениеттің биік белестеріне жетелейтін –тәрбие құралы. Абай атамыз «Танымның бар тамшысы - кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды.

Қармақшы аграрлы-техникалық колледжі студенттері арасында «Кітаппен өткен демалыс күнім қызықты» атты демалыс уақытында балаларды кітап оқуға тарту мақсатында акция ұйымдастырылды.

Мақсаты: Колледж студенттерінің оқу белсенділігінің сапасын арттыру, жастардың мәдени және оқу құзіреттілігін және сөздік қорын байыту;

Жастардың есте сақтауы мен қиялын дамыту, сондай-ақ жас ұрпақ бойында жоғары азаматтық және рухани адамгершілік құндылықтарды қалыптастыру.

Акция барысында колледж студенттері демалыс уақытын тиімді іспен, кітап оқумен өткізгендіктері туралы әңгімеледі.

Сынып жетекшілерімен және колледж кітапханашысы Б.Тоқабаевамен оқыған кітаптары туралы алған әсерлерін және ойларын бөлісті.