"Кітаппен өткен демалысым қызықты"

qarmaqshy-tany.kz №185 орта мектебінде қысқы каникул кезінде 2-11 сынып оқушылары арасында "Кітаппен өткен демалысым қызықты" тақырыбында кітап оқу акциясы жүргізілуде. Осыған орай 4 "а" сынып оқушылары белсенділік танытуда. Олар түрлі балалар әдебиетін жарыса оқып, бос уақыттарын тиімді өткізуде. Сонымен қатар "Ата - анаңмен кітап оқы" акциясынада белсенді қатысуда. Осы орайда Жарболсын Гүлсая өзінің қарт әжесіне демалыс кезінде қызықты кітаптар оқып беретінін айтты. Себебі әжесі кітап оқығанды жақсы көреді, алайда ол кісінің көзі нашар көретін болғандықтан Гүлсая кітапқұмар әжесіне түрлі қызықты кітаптарды әкеліп оқып береді екен. Ал қарт әже өзінің кішкентай немерелеріне Гүлсая оқып берген ертегілерді қызықты етіп айтып береді. Ол сонымен қатар оқыған кітаптарының кейіпкерлерінің суретін салғанды жақсы көреді. Сынып жетекшілері Г.Асатуллаеваға оқушыларын кітапқа баулып жатқаны үшін алғыс білдіреді.