«Жылдың үздік мемлекеттік қызметшісі»
Нұрлыбек Сайымов – III Интернационал ауылдық округінің әкімі. Ауылдық округі бойынша бүгінгі күнге тіркелген кәсіпкерлік субъектілер саны 119 бірлікті құрап, өткен жылдың тиісті кезеңімен салыстырғанда 20%-ке көбейген. «Бизнестің жол картасы – 2025», «Атамекен» МҚҰ арқылы 5 жоба 94,5млн теңгеге несиелендірілді. 2021-2025 жылдарға арналған кәсіпкерлікті дамыту жөніндегі» Ұлттық жобасы аясында 16 азаматқа құны 19,6 млн теңгенің грантын жеңіп алуға жұмыс жасалды. Есепті мерзім ішінде жеке және заңды тұлғалардан түсетін мүлік, табыс және көлік құралдарына салынатын салық жоспар бойынша толығымен 100%-ке орындалды. Облыс және аудан әкімінің агроаймақ құру туралы тапсырмасына сәйкес, ІІІ Интернационал ауылдық округінен 30 гектар жер бөлініп, тұрғындардың бақша егуіне жағдай жасалынды.
