«ҚАРУ» жедел-профилактикалық іс-шарасы жалғасуда

qarmaqshy-tany.kz Аудан көлеміндегі заңсыз айналымдағы атыс қаруларын анықтау және тіркеуде тұрған қарулармен жасалатын қылмыстардың алдын алу, сонымен қатар сақталуына, пайдалануына және тасымалдануына тексерулер жүргізу мақсатында ағымдағы жылдың жетоқсан айының 19 мен 23-і күндері аралығында «Қару» жедел-профилактикалық іс-шарасы өтуде.

Аталған іс-шарасының барысында бөлімнің ЖПҚб-нің учаскелік полиция инспекторлары қызметте жүріп, Қармақшы ауданының елді-мекенінің тұрғыны 1992 ж.т. «Ф.Э.» есімді азамат 16 калибрлі 2 ұңғылы аңшы мылтығын заңсыз алып жүргені анықталып, заттай дәлелдеме ретінде алынды. Аталған аңшы мылтығына сараптама тағайындалып, тексеру жұмыстары жүргізілуде.

Атап өтер жайт, аталмыш іс-шараның негізгі мақсаты – аудан көлемінде заңсыз сақтаудағы қаруды және оқ-дәрілерді тәркілеу және олардың сатып алу көздерін, оны заңсыз жеткізу арналарын анықтау. Сонымен қатар, заңсыз қаруды сақтау, алып жүрумен айналысатын тұлғалар мен ұйымдасқан қылмыстық топтарды анықтау, отты атыс қарумен жасалатын қылмыстардың алдын алу, ескерту және оларды ашу жедел жағдайды тұрақтандыру болып табылады.

Қармақшы ауданының полицейлері азаматтарға атыс қаруы мен оқ-дәрілерді заңсыз сақтау мен тасымалдау үшін жауапкершілік қарастырылғанын ескертеді.