qarmaqshy-tany.kz Өскелең ұрпақтың үйлесімді дамуы мен бақытты балалық шағы – бұл біздің жалпыұлттық міндетіміз. ҚР Президенті Қасым-Жомарт Тоқаевтың жарлығына сәйкес, 2022 жылды «Балалар жылы» деп жариялап, көптеген іс-шаралар жүзеге асырылды.

Осы орайда, Облыс әкімінің тапсырмасына сәйкес, аймақта жыл соңына дейін бірнеше ойын алаңдарын ашу жоспарланған болатын.

Төретам кентінде жеке кәсіпкер Джакешов Аман Байдуллаұлының бастамасымен, «Ali Kids Park» балаларға арналған ойын-сауық орталығы ашылды.

Жалпы жоба құны 80 миллион болатын ойын-сауық орталығы бір мезетте 150 адамға қызмет көрсете алады және 15 адамды тұрақты жұмыспен қамтитын болады.