qarmaqshy-tany.kz Әйел құқығын қорғау және тең құқықтары мен мүмкіндіктерін қамтамасыз ету саясаты біздің елімізде негізгі басымдықтардың бірі болып табылады. Қоғамда әйелдердің орны екінші кезекте деп санайтын кертартпалық бүгінде артта қалған. Қазір қай саланы алсаңыз да, гендірік саясатқолдау тауып, белсенді түрде жүргізілуде.

Әлем елдері көпшілігі қол қойған Біріккен Ұлттар Ұйымының мыңжылдық декларациясында ерлер мен әйелдердің теңдігін көтермелеу, әйелдердің құқықтары мен мүмкіндіктерін кеңейту үшінші мыңжылдықтағы адамзат дамуының  негізгі мақсаттары ретінде айқындалған. Өнеркәсібі дамыған және әлеуметтік бағдар алған елдерде әйелдер өз құқықтары мен мүмкіндіктерінің ерлермен тең болуына іс жүзінде қол жеткізді.

Тәуелсіздік жылдары ішінде Қазақстан ерлер мен әйелдердің құқықтары мен заңды мүдделерін қорғау саласында да белгілі бір дәрежеде ілгеріледі. 1998 жылы Қазақстан БҰҰ-нің Әйелдерге қатысты кемсітудің барлық нысандарын жою туралы конвенциясына қосылды.

Жалпы, Гендер- бұл ерлер мен әйелдердің мінез-құлқын, сондай-ақ олардың арасындағы әлеуметтік өзара қарым-қатнасты айқындайтын, олардың әлеуметтік және мәдени нормалары мен рөлдерінің жиынтығы. Ал гендерлік саясат- бұл қоғамдық  өмірдің барлық салаларында ерлер мен әйелдердің теңдігіне қол жеткізуге бағытталған мемлекеттік және қоғамдық қызмет.