qarmaqshy-tany.kz Қармақшы ауданы №105 мектеп-лицейінде тәлімгер Гүлжан Мұратбекқызының ұйымдастыруымен Тәуелсіздік күні ұлттық мерекесі қарсаңында «Ұланымыз ұлы елдің» тақырыбында «Жас Ұлан» балалар мен жасөспірімдер ұйымына қабылдау салтанатты жиыны өтті.

Іс-шараның мақсаты- оқушылардың Отансүйгіштік сезімін қалыптастыру, ұлттық құндылықтарды балалардың бойына сіңіру болып табылады.

Іс-шара барысында «Жас Ұлан» балалар мен жасөспірімдер ұйымына жаңадан қабылданып отырған 4 сынып оқушыларына төсбелгі тағу салтанатына Халықаралық «Қазақ тілі» қоғамының Қармақшы аудандық филиалының төрайымы, Қармақшы ауданының құрметті ардагері К.Реаева арнайы қатысты.

Сонымен бірге мектеп-лицейдің оқушылары «Жас Ұлан» ұйымына мүшелелігіне қабылдана отырып, ант беру мен арнайы саптық жиыны жайлы Ұланбасы есебін тапсырды.

«Жас Ұлан» ұйымының белсенді мүшелері өнерлерін ортаға салып, арнайы дайындалған концерттік бағдарламасын ұсынды.

Іс-шараны №105 мектеп-лицей директорының тәрбие ісі жөніндегі орынбасары А.Қозыбақов қорытындылады.