Пробациялық бақылау мәселелері бойынша мәжіліс өткізілді

qarmaqshy-tany.kz Қызылорда облысы прокурорының бірінші орынбасары Төлегенов Исламбек Тынарбайұлы Қармақшы аудандық прокуратурасында пробация саласындағы мәселелер бойынша мәжіліс өткізді.

Мәжіліске аудандық сот төрағасы, құқық қорғау органдарының, пробациялық бақылау қызметінің және жергілікті атқарушы орган басшылары қатысты.

Мәжілісте пробациялық бақылаудың жайы мен есептегі тұлғаларға көрсетілетін көмектер және қайта қылмыстың алдын алу мәселесі талқыланып, алдағы уақыттарға тиісті тапсырмалар берілді.

Одан әрі И.Төлегенов есептегі тұлғалармен кездесіп, сұрақтарына нақты жауаптар беріп, құқықтық түсіндіру жұмыстарын жүргізді.

Қармақшы аудандық прокуратурасы