qarmaqshy-tany.kz “Жамбыл облысының пилоттық жобасын масштабтау” бойынша құрылған облыстық, аудандық жұмыс тобы айқындалған Жаңажол ауылдық округі және Дауылкөл ауылдық округтерін аралады. Жұмысшы топ құрамында Қызылорда облыстық ауылшаруашылығы және жер қатынастары басқармасының әдіскері Қаралпақ Ақерке, Қызылорда өңірлік инвестициялық орталықтың эксперті Әмзебаева Әсел, кәсіпкерлер палатасының Қармақшы аудандық филиалының директоры Өтегенов Алмат Қожахметұлы, аудандық ауылшаруашылығы бөлімінің сектор меңгерушісі Есқалиева Сарсенкүл Әлімжанқызы болды. Бағдарлама шеңберінде ауылдық елді мекендерде тұрғындарға шағын несие беру жөнінде түсіндіріп өтті. Ауылда зәкірлік кооперация құрып қатысушылар үшін қарыз сомасы 8000 АЕК-ке дейін (24 млн теңгеден астам) және басқа бағытта 2500 АЕК-ке дейін (7 млн. теңгеден астам) соңғы сыйақы мөлшерлемесімен 2,5%, микрокредит беру мерзімі 7 жыл. Жұмысшы топ өкілдеріне тұрғындар өздерін толғандырып жүрген сұрақтарын қойып, тұшымды жауаптарын алды.