qarmaqshy-tany.kz 30 қараша күні №28 орта мектебінде құқық бұзушылықтың, нашақорлықтың, кибербуллингтің алдын алуға байланысты 7-11 сынып оқушылары арасында ақпараттық-танымдық жиын өткізілді. Жиынға Ақтөбе ауылдық округі учаскелік полиция майоры Б.Ибраев, Ақжар ауылдық амбулаториясының әлеуметтік қызметкері Г.Каукенова, Ақжар ауылдық округі әкімшілігінің жетекші маманы А.Байжанова, педагог-психолог А.Әмірханов, мектеп парламенті "Құқық және тәртіп" фракциясының жетекшісі С.Қожабек жоғарыда аталған мәселелер бойынша түсіндірме жұмыстарын жүргізді. Кездесу барысында бейнероликтер көрсетіліп, жастар арасында белең алған қылмыс пен құқық бұзушылықтың түрлеріне талдау жасалды. Оқушыларға бос уақыттарын тиімді ұйымдастыруға, салауатты өмір салтын ұстануға, мезгілсіз жүрмеуге, бейтаныс адамдармен байланысқа түспеуге, тағы басқа кеңестер берілді. Әлімжеттік жасау, зорлық- зомбылық пен топтық төбелестің арты заң жолымен жазаланатынын ескертілді. Жиынды мектеп директорының тәрбие ісі жөніндегі орынбасары А.Тоқтамысов қорытындылады.