Қайтарымсыз қаржы алып, кәсіптерін бастады

qarmaqshy-tany.kz Ауыл тұрғындары мемлекеттік бағдарлама арқылы қайтарымсыз қаржы алып, кәсіптерін бастады.

Қуаңдария ауылдық округі бойынша "Ұлттық жоба" шеңберінде бизнес-идеяларды іске асыруға арналған қайтарымсыз қаржыны 8 азамат алған болатын.

Осы ретте ауылдық округ әкімі А.Аймырзаев алынған қаржының мақсатты игерілуін қадағалау мақсатында "Шаштараз" бойынша Әзиз Наргиз, "Жем шығару цехы» бойынша Мұхамбетияр Ерғазы, «Кондитерлік өнім» бойынша Құснадинова Гүлшат және "МІҚ мал басын көбейту" жобасы бойынша Нарымбетова Светланамен кездесіп, ұсыныс пікірлерін тыңдады.

Аталған азаматтар жастар сондай ақ, көпбалалы және табысы аз отбасылардың мүшелері санаты бойынша байқауға қатысып, бизнес-жобаларын қорғаған болатын.

Қазіргі таңда қаражаттарына толық керекті құрал-жабдықтарын, малдарын алып, өз кәсіптерін дөңгелетуде.