qarmaqshy-tany.kz ІІІ Интернационал ауылдық округі бойынша "Ұлттық жоба" шеңберінде бизнес-идеяларды іске асыруға арналған қайтарымсыз қаржыны 16 азамат алған болатын.

Осы ретте ауыл әкімі Н.Сайымов алынған қаржының мақсатты игерілуін қадағалау мақсатында "Қой шаруашылығын дамыту" бойынша Б.Ізгуов, Б.Оралбай, Н.Шүрегеев және "МІҚ мал басын көбейту" жобасы бойынша А.Аубакировалармен кездесіп, ұсыныс пікірлерін тыңдады.

Жас кәсіпкерлер ауыл әкіміне Мемлекет тарапынан қаржы беріліп, кәсіпкерлікті қолдау бағытында атқарылып жатқан жұмыстарға ризашылықтарын білдірді.

Айта кетейік, аталған азаматтар жастар санаты бойынша байқауға қатысып, бизнес-жобаларын қорғаған болатын.

Қазіргі таңда қаражаттарын өз мақсатына пайдаланып, жобалары бойынша кәсіптерін дөңгелетуде.