Ауыл әкімі кәсібін жаңадан бастаған тұрғындардың жұмысымен танысты
qarmaqshy-tany.kz ІІІ Интернационал ауылдық округі бойынша "Ұлттық жоба" шеңберінде бизнес-идеяларды іске асыруға арналған қайтарымсыз қаржыны 16 азамат алған болатын.
Осы ретте ауыл әкімі Нурлыбек Сайымов алынған қаржының мақсатты игерілуін қадағалау мақсатында "Түйе басын көбейту" бойынша Нұрсұлтан Өтеп, «Қымыз және саумал өндірісін дамыту» жобасы бойынша Дархан Махамбетжанмен кездесіп, жұмыстарымен танысты.
Жас кәсіпкерлер ауыл әкіміне Мемлекет тарапынан қаржы бөлініп, кәсіпкерлікті қолдау бағытында атқарылып жатқан жұмыстарға ризашылықтарын білдірді.
Айта кетейік, аталған азаматтар жастар санаты бойынша байқауға қатысып, бизнес-жобаларын қорғаған болатын.
Қазіргі таңда қаражаттарын өз мақсатына пайдаланып, жобалары бойынша кәсіптерін бастады.
