Ел сенімі бәрінен биік
Осыдан бірер уақыт бұрын Президент Қасым-Жомарт Тоқаев Қазақстан халқы алдында ант қабылдады. Осы рәсімде Мемлекет басшысы еліміздің алдағы стратегиялық басым бағыттарын атап өтті. Оның ішінде қол қоятын жарлықтарының бірі ауылдық жердің ахуалын көтеруге, әлеуетін арттыруға арналатынын айтты. Бұл қазақстандықтардың, әсіресе ауылда тұратын жұртшылықтың қуаныш сезімін тудырды. Себебі бұл сауалдар ауыл тұрғындарының көптен бері көкейінде жүрген мәселесі болатын. Ауыл гүлденсе, аймақ гүлденеді. Ауылдың тұрмыс-тіршілігіне мән беріп, шаруашылығын көтеруден мемлекетіміздің экономикасы мен әлеуметтік жағдайы жақсара түсетіні аян. Осындай түйткілді мәселені көтерген Президент сыртқа кеткен капиталды да кері қайтаруға ауқымды жұмыстар істелетінін баяндады. Сондай-ақ ол Әділетті Қазақстан құру жолында қоғамның ынтасын арттырып, барынша күш салатынын да назарға салды.
Президенттің Әділетті Қазақстан құрудағы ортақ мақсат пен мүдде жолында барша халқымыз болып атсалысатынымызға сенемін!
Мемлекет басшысының "Шын мәнінде, еліміз аман болса, жеріміз бүтін, бірлігіміз бекем, мемлекетіміз мәңгі болады. Осы құндылықтарды мызғымастай етіп бекіту - қазақтың перзенті, Қазақстанның Президенті ретіндегі менің қасиетті парызым" деген сөзі де менің аналық жүрегімді қозғап өтті.
Алда атқарылатын көп шаруа бар. Сол күрделі де сындарды сәтте Президентімізге ақ жол тілеймін!
Бибігүл Әбішева,
Қармақшы ауданының Құрметті азаматы
