Толқынысты кездесу ұйымдастырылды

qarmaqshy-tany.kz Ағымдағы жылдың 17 қарашасы күні  Қармақшы ауданы, Жосалы ауылдық округі, Төребай би ауылдық кітапханасында Президент сайлауы қарсаңында ауылдың бүгінгі Абыз ақсақалы, еліне сыйлы, ауыл халқының бірден-бір ұйытқысы, Қармақшы ауданының құрметті азаматы  90 жасты еңсеріп отырса да, дихан атамыздың  қолынан кетпені түспеген Жалғасбаев Жақсылық ата мен шәкірті Тынымбай Досбатыров атамыздың күтпеген толқынысты кездесуі болып өтті.

Кездесуді Қармақшы аудандық Ардагерлер кеңесінің төрағасы А.Мереков, ауылдық ардагерлер кеңесінің төрағасы М.Нысанбаев және ауылдық округ әкімі Ә.Білжанов, ауылдық кітапхана меңгерушісі М.Айтуаровалар ұйымдастырды. Кездесуге ауылдық мекеме басшылары, қоғамдық ұйым мүшелері, ауыл ақсақалдары, еңбек майталмандары қатысып, өздерінің ақыл-кеңестерін айтып өтіп және өткен шақтағы естеліктерін еске түсіріп ұйымдастырушыларға шексіз алғыстарын айтты.  Сонымен бірге алде келе жатқан Президент сайлауында ауыл халқының ауызбіршілікті түрде сайлау науқанын өткізуге ұйымшылдықпен қатысатындарын, ауыл халқының ел Президентін сайлауда өз таңдауларын жасайтындары сөз болды.

«Қт» ақпарат.