Кездесу өткізілді

Ақай ауылдық клуб үйінде Байқоңыр қаласының жаңадан тағайындалған прокуроры, әділет кеңесшісі Рахметов Нұржан Жанатұлы ауыл тұрғындарымен кездесу өткізілді. Кездесуде Ақсақалдар алқасы қоғамдық бірлестігінің мүшелері, мекеме басшылары, ауыл кәсіпкерлері, жергілікті қоғамдастық жиын мүшелері және ауыл тұрғындары қатысты. Кездесуді ауыл әкімі ашып тұрғындарға жаңадан тағайындалған прокурорды таныстырды. Кездесу барысында әлеуметтік мәселелер, ауыз су және газ құбырларын жүргізу туралы талап-тілектер айтылды. Сонымен қатар ауылдық округтегі құқық бұзушылықтың алдын алуға байланысты бірқатар шаралар ұсынылды. Кездесу соңында ауыл ақсақалы Ж.Қыпшақбайұлы қала прокуроры Н.Рахметовке алдағы жұмысына сәттілік тіледі.