Дауыс беру барысында мүмкіндігі шектеулі азаматтарға инватакси қызмет жасауда
qarmaqshy-tany.kz Қармақшы ауданы бойынша мүмкіндігі шектеулі азаматтардың сайлау учаскелеріне келуіне қолайлы жағдай жасау үшін 4 инватакси қызмет көрсетуде.
Ауданда сайлау учаскелері орналасқан ғимараттар стандартқа сәйкес пандустармен толық қамтылып, барлығы да бірінші қабатта орналасқан.
Осы ретте І топ мүгедегі Елібаев Бағдат №96 сайлау учаскесіне барып дауыс беру үшін инватакси қызметін пайдаланып, өз таңдауын жасады.
Айта кетейік, дауыс беру құқығына ие мүмкіндігі шектеулі жандардың сайлау барысында дауыс беруін қамтамасыз ету үшін жеке көмекшілері қызмет жасайды.
