90 жастағы ақсақал таңдау жасады
qarmaqshy-tany.kz Бүгін елімізде кезектен тыс ҚР Президентінің сайлауы өтіп жатыр. Аудан тұрғындары арасында жасы үлкен қариялар да ел болашағы үшін сайлауға белсенді қатысуда. Осындай жанның бірі – №97 сайлау учаскесінің сайлаушысы, 90 жастағы ардагер Жетпісбай Базарбаев.
– Бүгін елімізде орын алып жатқан сайлауға өз үлесімді қоссам деген ниетпен, ертемен келіп Жаңа Қазақстан құру жолындағы таңдауымды жасадым. Келешек жастардың қолында. Ел тарихындағы осындай саяси науқанның қатысушысы болғаныма, ел болашағы үшін жасалып жатқан сайлауға өз даусым арқылы үлес қосқаныма қуаныштымын. Елеулі өзгерісті қалайтын, ел тағдырына алаңдайтын барлық азаматтарды, жастарды бүгінгі сайлаудан қалыс қалмауға шақырамын. Халқымыз аман болсын! Мемлекетіміз жасай берсін. Өзгерістердің барлығы оңынан болсын! – дейді қария.
