Саяси науқанға үлес қосайық

qarmaqshy-tany.kz Бүгін еліміз үшін тарихи күн. Себебі кезектен тыс Президент сайлауы өтіп жатыр. Ел тізгінін алдағы жеті жылда кім ұстайды? Елдің дамуы да соған сәйкес болады. Сайлау үйі мерекедегідей безендірілген. Музыка ойнап тұр. Адамдардың көңіл күйлері көтеріңкі. Әркім өз қалауы бойынша үміткерге дауыс беруде. Мен де өз қалауымдағы кандидатқа тәуелсіз елімнің келешегі үшін, оның жарқын болашағы үшін дауыс бердім. Аудан ардагерлері де бүгінгі сайлауға қатысып, өз таңдауларын жасайды. Сайлауға келіп, дауыс беру әр адамның азаматтық борышы. Мүмкін сіздің дауысыңыз шешуші рөл атқарар. Сондықтан сайлауға келіп, дауыс беруге асығыңыздар, ағайын.