qarmaqshy-tany.kz  №267 орта мектебінде орыс тілі мен әдебиеті, ағылшын тілі бірлестігінің ұйымдастырумен «Заманауи оқыту тәсілдері» тақырыбында мектепішілік семинар-практикум өтті.

Мақсаты: білім беру жүйесіндегі жаңашыл әдіс-тәсілдерді, оқыту құралдарын, жаңа педагогикалық технологияларын өз тәжірибелерінде қолдануы.

Семинар барысында орыс тілі пән мұғалімі А.Нуртаева мен ағылшын тілі пән мұғалімі Т.Байжанова өз тәжірибелерімен бөлісіп, «Thinglink» сервисімен, белсенді, белсенді емес (енжар), интерактивті әдіс түрлері мен айырмашылықтарын түсіндірді.

Семинарда мұғалімдер сабақ жоспарында белсенді, интерактивті оқыту тәсілдерін қолданудағы өз білімдерін тереңдетіп, командалық оқыту үлгісін көре алды.

Мектептегі тәжірибе кезеңінде оқытудағы жаңа әдіс-тәсілдерді қолдану барысында өз тәжірибемізге өзгеріс енеді. Осы әдіс-тәсілдерді пайдалану арқылы қол жеткізген жетістіктеріміздің бірі ретінде білім алушылардың сабаққа деген қызығушылығының артуына, өз ойларын жеткізуде едәуір төселіп, өздерін көшбасшы ретінде қалыптастыруына әсер тигізері мол.