Әлеуметтік сала қызметкерлері кәсіби мереке қарсаңында құрметке бөленді

qarmaqshy-tany.kz Елімізде қазан айының соңғы жексенбісі әлеуметтік қорғау жүйесі қызметкерлерінің күні.

Мерекеге орай аудан әкімі Әділбек Ерсұлтанов сала қызметкерлерін төл мерекелерімен құттықтап, құрмет көрсетті.

Ардагерлер мен әлеуметтік аз қамтылған топтарға талмай қызмет көрсетіп, оларға жан жылуын берген әлеуметтік сала қызметкерлерін құттықтаған аудан әкімі қажырлы еңбектеріне алғыс айтып, табыс тіледі.

Төл мерекеде саланың дамуына үлес қосып жүрген бірқатар әлеуметтік қызметкерлерге облыс әкімінің және аудан әкімінің «Алғыс хаттары» табыс етілді.