Қос бірдей мереке аталып өтті

23 маусым – Қазақстан Республикасының Мемлекеттік қызметшілер күні және Полиция қызметкерлерінің кәсіби мерекесіне орай аудан әкімі Әділбек Ерсұлтанов аудандағы бірқатар мемлекеттік қызметкерлер мен полиция қызметкерлерін құттықтап, үздіктерді марапаттады. Сонымен қатар саланың маңыздылығына тоқталып, елде атқарылып жатқан жұмыстармен таныстырды.

«Мемлекетіміздің тыныштығы мен халқымыздың бейбіт өмірі бәрінен қымбат. Билікке деген сенім қазіргі қоғамның талаптарына сай қызмет ететін мемлекеттік қызметшіден басталады. Ауданымызда барлық мемлекеттік қызметшілердің жұмыстарына жеміс, мақсатқа жетуде жігер, шешімдер қабылдауда парасаттылық, кәсіби еңбекте табыс тілеймін. Мерекелеріңіз құтты болсын», – деді аудан әкімі Әділбек Бөрібайұлы.

Кездесу барысында аудандық мәслихат хатшысы Әділ Қошалақов сөз алып, кәсіби мерекеге орай ізгі лебізін білдірді.