qarmaqshy-tany.kz Қармақшы ауданы А.Жанпейісов атындағы №105 мектеп-лицейінде 25 қазан-Республика күні аясында «Қайта жанданған ұлттық мереке» тақырыбында 5-7 сынып оқушылары арасында мерекелік концерт өтті.

Арнайы дайындалған меркелік іс-шараны 5 «Ә» сынып жетекшісі Н.Сайлауов жүргізіп, мектебіміздің өнерлі оқушылары би билеп, домбырамен күй тартып, патироттық бағытта әндер орындап, әдеби монтаждарын оқыды.

Іс-шараның мақсаты-оқушыларға Республика күні мерейлі мерекесінің маңыздылығын түсіндіру, өнерлі оқушыларға қолдау көрсету болып табылады.

Мерекелік іс-шара барысында сурет салу сайыстарына және мүшайраға белсенді қатысқан оқушылар №105 мектеп-лицейінің директоры

Г.Еркебаеваның Алғыс хаттарымен марапатталды.

Іс-шара соңында №105 мектеп-лицейдің тәрбие ісі жөніндегі орынбасары А.Қозыбақов қорытындылап, белсенділікпен қатысқан оқушыларға ізгі лебізін жеткізді.