«Қайтыс болу және еңбек өтілін  заңдық маңызы бар фактіні анықтау» тақырыбындағы дөңгелек үстел өтті
Қармақшы аудандық сотында уәкілетті органдардың қатысуымен «қайтыс болу және еңбек өтілін  заңдық маңызы бар фактіні анықтау»тақырыбындағы дөңгелек үстел өткізілді.
Іс шараға Қармақшы аудандық сотының төрағасы Қ.Мыханов, судья С.Желдербаев, бас маман Қ.Есханов, Қармақшы ауданы жұмыспен қамту, әлеуметтік бағдарламалар және АХАТ бөлімінің бас маманы Б.Ұзынжасова, «азаматтарға арналған үкімет» Мемлекеттік корпарациясы» КЕАҚ-ның Қызылорда облыстық филиалының Қармақшы аудандық бөлімінің жетекші маманы Ә.Бегимова, Қармақшы аудандық заң кеңсесі меңгерушісі адвокат Г.Қадырбаева, Қармақшы аудандық ауруханасының заңгері Ж.Мұхтарбаева қатысты.
Дөңгелек үстел барысында қатысушылардың пікірлері тыңдалып, қайтыс болу фактісін медициналық қызметкер(жергілікті дәрігер) өзі анықтау қажет екендігі жөнінде түсініктеме берілді. Анықтама негізінде қайтыс болған азаматтың туысы сотқа жүгінбей, өз уақытын үнемдей отырып  «қайтыс болу туралы куәлік» алуға мүмкіншілігі болатынын және сотқа осы санаттағы арыздардың түсуін азаятынын атап өтті.
Іс-шара аясында барлық  туындаған сұрақтар  бойынша түсіндірмелер берілді.