«Жалындап өткен жас ғұмыр»
Қармақшы аудандық тарихи – өлкетану музейінің ұйымдастыруымен белгілі қоғам қайраткері Ғани Мұратбаевтың туғанына 120 жыл толуына орай «Жалындап өткен жас ғұмыр» тақырыбында лекция оқылды. Қазақстан мен Орта Азия жастарының жалынды жетекшісі бола білген қазақ халқының көгінде жұлдыздай жарқырап, шұғылалы із қалдырып кеткен, ел – жұртын жалын жүрегімен жылытып өткен Ғани Мұратбаевтың есімін ұлықтау мақсатында өткізілген лекция Қармақшы аграрлы – техникалық колледжінің студенттеріне оқылды.
Студенттер Ғани Мұратбаевтың қысқа ғана ғұмырында жеткен жетістіктері, аласапыран кезеңде мәртебелі де лауазымды ұйымның мүшелігіне қабылданғаны жөнінде мәліметтер алып, оның қазақ халқы үшін қаншалықты маңызды тұлға екендігі турасында өз ойларын ортаға салды.
