Саңлақ сүлей – Базар жырау
Тарихына, мәдени дәстүріне байланысты Қазақстанның әр өлкесінің ғасырлар бойы қалыптасқан ақындық, жыршылық, әншілік, күйшілік мектебі бар. Олардың үздік өкілдері Сыр елінде туып өскен. Осындай ақындық өнердің өкілі, заманы Абаймен тұстас, өз елінде ерекше дарынымен есте қалған, тарлан тұлға - Базар Оңдасұлы. Толғау алыбы атанған Базар жырау Оңдасұлының туғанына биыл 180 жыл. Осыған орай Қармақшы аудандық тарихи-өлкетану музейінің ұйымдастыруымен Ш.Уәлиханов атындағы №26 мектеп оқушыларына "Саңлақ сүлей - Базар жырау" тақырыбында лекция өткізілді.
Лекция барысында Балқы Базар Оңдасұлының өмір тарихы, ақындық және жыраулық жолы жөнінде мәлімет берілді. Есімі ұрпақтар жадында сақталған Балқы Базардың толғау-жырлары мен дастандары жайында кеңінен айтылды.
