Ауыл әкімі ұстаздарға құрмет көрсетті

Үстіміздегі жылдың 4 қазан күні Ақай ауылдық клуб үйінде «Ұстаздар күні» мерекесіне орай мерекелік іс-шара өтті.

Мерекелік іс-шарада ауыл әкімі мәртебелі мамандық иелерін кәсіби мерекелерімен құттықтап, жауапкершілігі зор қызметте жарқын жетістіктер тіледі.

«Шәкірттерін білім нәрімен сусындадып, жақсы қасиеттерді бойына дарытатын, тәлім-тәрбие беретін ұстазға құрмет көрсету – біздің міндетіміз. Мектеп – жас ұрпақ нәр алатын бастау болса, мұғалім – тәуелсіздікке тірек болар сол бастаудың басты тұлғасы» деп, ел ертеңі, болашақ ұландардың бойына білім мен өнерді, адамгершілік пен адалдықты, туралық пен ұлттық қасиеттерді сіңіріп, оларды тұлғалы азамат етіп қалыптастырудағы еңбектеріне жеміс тілеп, «Алғыс хат» табыстады.