Қариясын сыйлаған елде - қасиет бар

Бүгін аудан әкімі Әділбек Ерсұлтанов сондай-ақ қоғамдық кеңес төрағасы, аудандық ардагерлер кеңесінің төрағасы және бірқатар зиялы қауым өкілдері қарттар күніне орай әлеуметтік көмек көрсету аумақтық орталығында тіркеуде тұрған жалғыз басты қарттар мен ауданымыздың өсіп-өркендеуіне, экономикалық дамуына өзіндік үлес қосқан абыз аналарымыздың үйіне арнайы барып, мерейлі мерекемен құттықтап, құрмет көрсетті.

Көрсетілген сый-құрметке ардагерлер шын жүректен ризашылықтарын білдіріп,алғыстарын айтты.
«Бізге құрмет көрсетіп жатқандарыңызға рахмет. Үлкенге ізет,қарияға қамқорлық көрсету қазақтың санасына сіңген терең қасиет. Елге жасаған еңселі қызметтеріңізге сәттілік тілейміз»деп тілектерін білдірді.
