Аудан әкімі ардагерлерді қабылдады

Үлкенге сый-құрмет көрсету – халқымызға тән қасиет. «Жасыңда бейнет, қартайғанда зейнет бер», - деген дана халқымыз.

Осы орайда, 1 қазан – халықаралық қарттар күніне орай, Қармақшы ауданының әкімі Қайрат Ырзақұлұлы аудан әкімі аппаратының ардагерлерін қабылдады.

Жастық жігерлері мен жалынды қайраттарын арнаған, бұл күнде зейнеткерлік демалысына шығып ұрпақ қызығына бөленіп отырған зейнеткерлерге аудан әкімі мерейлі мерекелерімен құттықтап, дендеріне саулық, отбастарына береке-бірлік тілеп, сый-құрмет көрсетті.

Қабылдау барысында ардагерлер аудан әкіміне және аппарат қызметкерлеріне ризашылықтарын білдіріп, қызметтеріне табыс тіледі.