"Қайсар рухты ақын"

ХХ ғасырдың алпысыншы жылдарында қазақ поэзиясында өз болмысымен, өз үнімен жарқ етіп танылған М.Шаханов- қазақтың біртуар көрнекті ақыны. Асқан талантымен, айбынды ақындығымен, асқақ азаматтығымен ерекшеленген ірі тұлға.

Қазақстанның халық ақыны, жазушысы, Қазақстанның Еңбек Ері, Түрік халықтарының арасынан шыққан ең үздік әлем ақыны, сазгер - Мұхтар Шаханов - 80 жасқа толды.

М.Шаханов 1942 жылы 2 шілдеде Оңтүстік Қазақстан облысы, Отырар ауданы, Шілік аулында дүниеге келген.

Қызмет жолы - трактордың тіркеушісі, облыстық "Оңтүстік Қазақстан" газетінде корректор, әдеби қызметкер, "Лениншіл жас" газетінде меншікті тілші, Қазақстан Жазушылар одағы басқармасының хатшысы, Жалын журналының бас редакторы, КСРО халық депутаты, КСРО Жоғарғы Кеңесінің мүшесі, ҚР халық депутаты, Қырғыз Республикасының Халық ақыны.

Ауылдық кітапханада Қазақ поэзиясында өзіндік орны бар. Мұхтар Шахановтың өмірі мен шығармашылығына арналған "Қайсар рухты ақын" атты әдеби сазды кеш болып өтті. Кеште оқырмандар ақынның шығармаларымен, өмір жолымен танысып көптеген өлеңдерін, әндерін орындады. Сонымен бірге ақынның өмірі мен шығармашылығына арналған "Сырсандық" атты сұрақтар қойылып, оқырмандар ақын туралы мәліметтерге қаныға түсті.

Кештің мақсаты ақын жырларының құдіретін сезіну, тіл шұрайын таныту, тарихи шындықты сөз өнерімен өрнектелген әсемдікті түйсіне білу, адамгершілік, отансүйгіштік қасиеттерді оқырмандардың бойына сіңіру.