«AMANAT» партиясының бастамасымен еліміз бойынша сайлауалды уәделердің орындалу барысын жүйелі бақылап отыру мақсатында партиялық бекеті ашылған болатын. Сайлауалды бағдарламаның Қармақшы ауданы бойынша Жол картасындағы құрылыс нысандарына партиялық мониторинг жұмыстары жүргізілді. Партиялық бақылау бекетінің жетекшілері И.Қабатова мен аудандық мәслихат депутаты С.Жумадьяров Жол картасы аясында салынып жатқан Ақай ауылдық округіндегі денешынықтыру-сауықтыру кешені мен Төретам кентіндегі №85 мектептің күрделі жөндеу жұмыстарын аралады.
Зерделеу барысында жұмысшы топ мүшелері №85 мектепте анықталған кемшіліктерді мердігер мекеме өкіліне тез арада қалпына келтіруді тапсырды.
Партиялық бақылау бекеті құрылыс толық аяқталғанға дейін өз жұмысын жасайды.