"Атам, әжем және мен" атты сайыс өтті
15 қыркүйек - Отбасы күні мерекесіне орай Төретам кенттік клуб үйінде "Атам, әжем және мен" тақырыбында ардагерлер мен оқушылар арасында ұлттық ойын тоғызқұмалақ пен дойбы және бес асық ойындарынан сайыс өткізілді.
Сайыстың мақсаты - отбасылық қарымқатынасты нығайта отырып, жас ұрпақтың бойында спорт мәдениетін қалыптастыру, жас өрендердің бос уақытын тиімді пайдалану. Сайысқа ардагерлер алқасының төрағасы Аралбаев Смағұл аға бастаған аталар белсене қатысып, оқушы балалармен тартысты ойын көрсете білді.Шара барысында кент әкімі Елеусінов Ғалымжан Тәжмағанбетұлы қатысушыларға сәттілік тілеп, мерекелік құттықтау сөз сөйледі.
