"AMANAT" партиясы "Байқоңыр" филиалының ұйымдастыруымен Қармақшы аудандық мәслихаттағы "AMANAT" партиясы депутаттық фракциясының мүшесі С.Жұмадьяров, партия филиалының Партиялық бақылау комиссия төрағасының орынбасары Ғ.Бердекеев және партия жанынан құрылған маниторингтік топ Төретам кенті мен Ақай ауылдық округінде орналасқан сауда орындар мен азық-түлік дүкендерге, дәріханалар мен жанар-жағар май құю бекеттеріне мониторинг жұмыстарын жүргізді.
Зерделеу барысында әлеуметтік маңызы бар кейбір азық-түлік тауарларының бағасы төмендеуде мәселен қант, сұйық май, сүт өнімдерінің бағалары түсті. Жалпы дәріханаларда дәрі-дәрмектердің бағасы қалыпты, алайда кейбір дәрілерге тапшылық байқалды.
Мониторингтік топ «helios», «Акай» және "Жанармай" жанар май құю бекеттеріне мониторинг жұмыстарын жүргізді. Жанар май құю бекеттерінде дизель отынының тапшылығы бар екендігі анықталды. Кейбір бекеттерде талонмен ғана сатылымда бар.
Төретам кенті мен Ақай ауылдық округі аумағындағы сауда орындары мен дүкендерге, дәріханалар мен жанар-жағар май құю бекеттеріне мониторинг жұмыстары тұрақты түрде жалғасады.