Жолдау - Әділетті Қазақстанды құрудың жүйесін айқындайды

Бүгін ҚР Президенті Қасым-Жомарт Тоқаевтың Қазақстан халқына арнаған "Әділетті мемлекет. Біртұтас ұлт. Берекелі қоғам" атты Жолдауын түсіндіру мақсатында "Ақай" БПҰ мүшелерімен кездесу өтті.
Кездесуге "AMANAT" партиясы Байқоңыр филиалының Атқарушы хатшысы М.Есбенбетов, Қармақшы аудандық мәслихаттағы "AMANAT" партиясы депутаттық фракциясының мүшесі С.Жұмадьяров қатысты.
Жиынды "Ақай" БПҰ жетекшісі Г.Орынбаева ашып, жүргізді. Шара аясында партияның Байқоңыр филиалының Атқарушы хатшысы М.Есбенбетов, депутаттық фракциясының мүшесі С.Жұмадьяров Мемлекет басшысы Қ.К.Тоқаевтың Жолдауында еліміздегі жүргізіліп отырған Конституциялық реформаның негізгі бағыты - саяси-әлеуметтік жүйені жаңғырту арқылы әділетті Қазақстанды құру екендігін айтып, халықтың әл-ауқатын арттыру, тұрмысы төмен отбасылардың жағдайына көңіл бөліп, мүмкіндігі шектеулі азаматтардың жағдайын жақсарту, шағын және орта бизнесті дамыту, макроэкономикалық жүйені тұрақтандыру, жаңа салық саясатын енгізу, білім мен медицина саласындағы атқарылатын басым бағыттарға тоқталып өтті.
Шара барысында БПҰ мүшелері тарапынан қойылған сұрақтарға жауаптар беріліп, ой-пікірлері тыңдалды.