Қармақшы аудандық мәслихаттағы «AMANAT» партиясы депутаттық фракциясының және партиялық бақылау комиссиясының біріккен отырысы болып өтті. Күн тәртібіне 5 мәселе қойылды. Аталмыш жиында Жосалы кентінің әкімі Ш.Сыдықов, аудандық аурухананың бас дәрігері Б.Нысанбаев, Қармақшы аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Р.Ефенов, аудандық білім бөлімінің қызметкері Ш.Наукебаева, аудандық ауылшаруашылығы бөлімінің сектор меңгерушісі С.Есқалиевалар хабарлама жасады.
Қармақшы аудандық мәслихаттағы «AMANAT» партиясы депутаттық фракциясының жетекшісі Буханов Дастан Әбдібекұлы ашып, жүргізіп отырды.
Жиын барысында партиялық бақылау комиссиясының мүшелері өз ұсыныстарын жеткізіп, күн тәртібіндегі мәселеге байланысты қаулы қабылданды.
Сонымен қатар жиында Мемлекет басшысы Қасым-Жомарт Тоқаевтың «Әділетті мемлекет. Біртұтас Ұлт. Берекелі қоғам» атты Қазақстан халқына Жолдауы талқыланды.