Бүгін Дауылкөл ауылдық округіндегі «Тұрмағамбет» жауапкершілігі шектеулі серіктестігінің №1 егіс алқабында күрішке алғашқы орақ түсті.
Алғашқы орақ салу рәсіміне ауыл әкімі Мұрат Жұмаділұлы, ақсақалдар кеңесінің төрағасы Жарылқасын Ноғайұлы, ауыл ардагерлері және жұмысшы механизаторлар қатысты.
Ауыл әкімі аулымыздың экономикалық дамуында ауылшаруашылығының алатын орны ерекше екенін айтып , жыл сайын егіннен мол өнім жинап, ауданның мерейін тасытып жүрген “Тұрмағамбет” ЖШС дихандарына алғысын білдіріп, алдағы жұмыстарына сәттілік тіледі.
Сондай- ақ ауыл ардагерлер кеңесінің төрағасы Ж.Дәулетов пен бірқатар ардагерлер ізгі тілектерін жеткізіп, ақ батасын берді. Тұрмағамбет ЖШС ұжымына және төрағасы Нұржан Айдарбекұлына алдағы егіс жинау науқанына сәттілік тілейміз.