Қайырым кетпес далаға
«Қайырымдылық жасасаң, қайырын өзің көресің» дейді қазақ даналығы. Қайырымдылық – адамзат бойындағы ерекше қасиет. Ол ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегінің символы іспеттес.
Қазіргі елде түрлі іс-шаралар мен акциялар, қайырымдылық қорлары арқылы қолұшын созатын ізгі жандар көбейіп келеді. Қайырымдылық жасауға мемлекет тарапынан да көп көңіл бөлініп отыр. Жақсылық жасайтын жандар әркез жаныңнан табылатыны көңілге үміт береді. Жақында аудан бойынша мешіттерде 60 балаға үлкен қуаныш сыйлағаны соған дәлел.
Аудандық «Қармақшы ата» мешітінде «Мектепке жол» қайырымдылық іс-шарасы өтті. Мешіттерге өтінім білдірген тізім бойынша әлеуметтік жағдайы аз қамтылған отбасы балаларын, сонымен қатар мүмкіндігі шектеулі балаларды қосқанда 60 балаға оқу-құралдарымен жабдықталған мектеп сөмкелері таратылды.
«Қт» ақпарат
