Дүр Оңғар ауылындағы 107 орта мектебінде "Мектепке жол" қайырымдылық акциясы болып өтті. Аталған шара әлеуметтік қолдауды қажет ететін отбасы балаларын жаңа оқу жылына қажетті құрал-жабдықтармен жабдықтап, балаларды мектепке дайындау мақсатында өткізілді. Шара аясында елге белгілі меценат кәсіпкерлер "Абай-Дәулет" ЖШС директоры А.Сәрсенбаев, ТОО "Нұр-Талап и К" директоры Қ.Керейтбаев, "Жаңажол" ЖШС директоры О.Төлепов 26 оқушыға планшет, мекемелер мен кәсіпкерлер 30 оқушыға бірлік алу үшін қаржылай демеушілік жасап, 107 орта мектеп ұжымы 7 оқушыға жаңа оқу жылына қажетті оқу-құралдарымен жабдықталған сөмкелерді табыс етті.
"Қайырымдылық жасасаң, қайырымын өзің көресің"-демекші әркез жүрегі кең, пейілі ақ болып, жақсылық жасауға ұмтылып тұратын демеушілерге ата-аналар алғыс білдірді.