Балалар да бейжай емес
Жақында ауданындық оқушылар үйінде «Жол тәртібін білейік, Аман-есен жүрейік!» атты танымдық сағат өтті. Мақсат – оқушылардың жолда жүру ережесі туралы білімдерін толықтыру. Ережелерді сақтай білуге үйрету. Жол қауіпсіздігін сақтаудың адам өміріндегі маңыздылығын ұғындыру. Тәртіпке, сақ болуға, көшеде өздерін дұрыс ұстап жүруге тәрбиелеу.
Іс-шараны жүргізген К.Құлбарақова кіріспе сөз сөйлеп, танымдық сағатқа қатысушы қонақты таныстырды. Қармақшы Ювеналды полиция тобының инспекторы, полиция аға лейтенанты Жасұлан Әліқұлов балаларға жолда жүру ережелерін түсіндіріп, олардың көкейінде жүрген сауалдарына жауап берді. Мұнан соң жүргізуші балалармен «Абайлаңыз, балалар!», «Бағдаршам», «Саналы жүрек» сынды қызықты ойындар ойнатып, жолда дұрыс жүріп-тұру ережелері туралы білімдерін толықтыра түсті.Қатысушы оқушылар ұстаздарына алғыстарын жеткізді. Балалардың белсенділігі жоғары болған іс-шара соңы естелік суретке түсумен аяқталды.
«ҚТ» ақпарат
