«Жол тәртібін білейік, аман-есен жүрейік»

23 тамыз күні Қармақшы аудандық оқушылар үйінде «Жол тәртібін білейік, Аман-есен жүрейік» тақырыбымен үйірмеге қатысушы балалар арасында танымдық сағаты өткізілді.
Мақсаты: оқушылардың жолда жүру ережесі туралы білімдерін толықтыру. Жолда жүру ережелерін сақтай білуге үйрету. Сондай-ақ, жол қауіпсіздігін сақтаудың адам өміріндегі маңыздылығын ұғындыру. Тәртіпті сақтауға және көшеде өзін дұрыс ұстап жүруге тәрбиелеу.
Қармақшы ауданының Полиция бөлімінің Ювеналды полиция тобының инспекторы полиция аға лейтенанты Аликулов Жасулан балаларға көшелерде, жол тораптарында абай болу керектігін айтып, жолда жүру ережелерін түсіндіріп берді.
Әрі қарай балаларға «Көшеде және жолда жүріп тұру ережесі» атты бейнебаян көрсетілсе, «Абайлаңыз-балалар!», «Бағдаршам», «Саналы жүрек» атты қызықты ойындар ойнатылды.